Eitrað var fyrir Robert Spencer sama kvöld og hann hélt fyrirlestur á vegum Vakurs — Samtaka um evrópska menningu á Grand hótel Reykjavík hinn 11. maí síðast liðinn. Spencer greinir frá því í vefmiðlinum Frontpage Mag að fyrirlestri loknum hafi hann, ásamt skippuleggjendum, haldið á veitingahús til að halda upp á vel heppnaðan fund. Þar hafi atburðarrás átt sér stað sem stefndi lífi hans í hættu.

,,Á þessum þéttsetna stað var fljótlega tekið eftir mér,“ skrifar Spencer.

,,Ungur Íslendingur kallaði nafn mitt, tók í hendina á mér og sagði að hann væri mikill aðdáandi. Skömmu síðar kom annar íbúi þessa fræga virðulega og kurteisa lands og hann nefndi einnig nafn mitt, tók í hendina á mér og sagði „Fuck you“! Við tókum þessari dásamlegu íslensku kveðju sem tákn um að yfirgefa staðinn. En skaðinn var skeður. Um það bil fimmtán mínútum síðar, þegar ég kom á hótelherbergið mitt, fann ég til dofa í andliti, höndum og fótum. Ég byrjaði að skjálfa og kastaði upp. Hjartslátturinn jókst hættulega mikið. Ég eyddi nóttunni á spítala í Reykjavík. Mér varð fljótlega ljóst, hvað hafði gerst, sem síðar sannaðist með sýnatöku er hafði verið gerð á spítalanum. Einn af Íslendingum staðarins sem nálguðust mig, sennilega sá sem sagðist vera mikill aðdáandi minn, þar sem hann kom miklu nær mér, en hinn maðurinn, hafði laumað eitri í glasið mitt. Ég var ekki, og er ekki, á neinum lyfjum þannig, að engin önnur skýring er á því, hvernig efnin komust í æðar mínar“.

Robert Spencer segir engan vafa á því að ófrægingarherferð íslenskra fjölmiðla hafi átt stóran þátt í þessari árás á sig.

Ég hefði mátt búast við þessu. Eftir allt, þá hafði heimsókn mín valdið regni háðsyrða í íslenskum fjölmiðlum. Öll sótt úr smiðju vinstrimanna í Bandaríkjunum. Sérhver frásögn um heimsókn mína sagði sömu sögu og fullyrðingar SPLC [Southern Poverty Law Center, vinstrisinnuð mannréttindasamtök í Montgomery], nefnilega að ég haldi „hatursræður“, sem er huglægt mat notað til að þagga niður í þeim sem hugsa öðruvísi en valdhafarnir. Ég sé bannfærður í Bretlandi án þess að minnst sé á það, að ég var bannfærður fyrir að segja að íslam innihaldi ofbeldiskenningar (álíka eins og að verða bannfærður fyrir það að halda því fram að vatn sé blautt), og fyrir þann glæp að styðja Ísrael. Einnig þá röngu ásökun, að ég hafi hvatt fjöldamorðingja Noregs Anders Breivík til að fremja morðin (raunverulega ber ég ekki meiri ábyrgð á morðum Breivíks en Bítlarnir á morðum Charles Mansons). Eftir fundinn var stór mynd af Breivík birt í einni greininni, en ekki var skrifað eitt einasta orð um það sem ég hafði sagt um kvöldið“.

Byggt á Eitrað fyrir Robert Spencer á Íslandi.