Tommy Robinson

Fjölmenningin í Evrópu: Vandamál og lausnir. Ráðstefna á Grand Hóteli Reykjavík, í salnum Gullteigi, fimmtudaginn 17. maí 2018, kl. 20-22.

Breski aðgerðasinninn og rithöfundurinn Tommy Robinson flytur erindi um þær áskoranir og vandamál sem fjölmenningin í Evrópu hefur framkallað og hvernig greiða mætti úr málum öllum til hagsbóta. Ráðstefnugestum gefst kostur á að spyrja Tommy spurninga og síðan verða pallborðsumræður.

Aðgangur er ókeypis og allir velkomnir. Þeir sem vilja styrkja heimsóknina með fjárframlögum geta gert það á fyrirlestrinum.

Tommy RobinsonRáðstefnan

Tommy Robinson á Íslandi

Tommy Robinson

Tommy Robinson hefur lengi verið í sviðsljósinu vegna umdeildrar baráttu sinnar gegn íslamskri bókstafstrú og afleiðingum hennar á breskt samfélag, ekki síst á líf fólks í verkamannastétt.

Tommy hefur gagnrýnt bresk yfirvöld fyrir úrræðaleysi í baráttunni gegn öfgamönnum og starfað náið með blökkumönnum, gyðingum, hindúum, kvenréttindakonum, múslimum, samkynhneigðum og síkum sem tala fyrir aðlögun að vestrænum gildum.

Erindi sem Tommy flutti í Oxford Union, virtasta málfundafélagi heims, vakti mikla athygli. Það varð mjög til að efla orðspor hans og varpar nýrri sýn á innflytjendavandamál á Englandi og rætur hreyfinga sem eru andsnúnar íslam.

Í kjölfarið var honum boðið í viðtöl hjá prófessor Gad Saad, Dave Rubin, Stefan Molyneux o.fl. YouTube-veitum með milljónir áhorfa. Þá hafa vinsælir þáttagerðamenn eins og Paul Joseph Watson og Sargon of Akkad tekið fróðleg viðtöl við Tommy.

Douglas Murray rithöfundur og aðstoðarritstjóri Spectator, rithöfundurinn og taugavísindamaðurinn Sam Harris og Pearson lávarður þingmaður lávarðadeildar breska þingsins benda á þótt að Tommy sé umdeildur eru mörg umkvörtunarefni hans á rökum reist.

Tommy Robinson er höfundur tveggja metsölubóka The Enemy of the State og Mohammed’s Koran: Why Muslims Kill For Islam. Hann hefur nýlega látið af störfum hjá kanadíska fjölmiðlafyrirtækinu Rebel Media og vinnur sjálfstætt við efnisöflun og myndbandagerð.

Tommy tekur yfirleitt upp öll samskipti sín við fjölmiðla og hvers konar valdastofnanir og birtir á Youtube. Hefur Tommy meðal annars birt viðtöl við fólk sem orðið hefur fyrir hatursglæpum af hálfu öfgafullra múslima, fangað mannréttindabrot þess eðlis að fólki er sagt upp störfum fyrir stuðning við málstað hans eða skoðanasystkina, og skrásett sín eigin samskipti við íslamista, lögreglu og fleiri aðila.

Tommy Robinson heldur erindi árið 2015 í Oxford Union, einu virtasta málfundafélagi heims.

Tommy Robinson ræðir við alþjóðlegu sjónvarpsstöðina RT um málfrelsi, tjáningarfrelsi og fundafrelsi sem hann segir ráðamenn og suma vinstrisinnaða hópa gera harða atlögu að.

Tommy Robinson hefur afar lifandi framgangsstíl við efnisöflun sína og hikar ekki við að fara með myndatökuliði inn á vinnustaði fólks sem gagnrýnir hann í fjölmiðlum og krefjast rökstuðnings fyrir skrifum þess um hann. Hér heimsækir hann breskt dagblað sem kallaði hann ,,hægriöfgamann“.

Ráðstefna með Tommy Robinson

FIMMTUDAGINN, 17. MAÍ 2018

20.00 – 22.00
Grand Hotel Reykjavík – Salurinn Gullteigur
Sigtún 38, 105 Reykjavík

DAGSKRÁ

Erindi Tommy Robinsons
Spurningar úr sal
Pallborðsumræður

ATHUGIÐ

Aðgangur er ókeypis
Allir velkomnir
Þátttakendur í pallborðsumrræðum auglýstir síðar

Skrifaðu okkur línu

Ekki hika við að hafa samband ef þú ert með einhverjar spurningar!

Fésbókarsíða Vakurs

Viltu fylgjast með ráðstefnunni og annarri starfsemi Vakurs? Skráðu þig þá á fésbókina hjá okkur.

Fésbókarhópur um ráðstefnuna

Verið er að gera róttækar breytingar á íslensku samfélagi. Vakur vil upplýsta umræðu um hvort við viljum breytast úr evrópsku og lýðræðislegu þjóðríki í eitthvað óskilgreint fjölmenningarríki? Taktu þátt í þeirri umræðu!

Tommy Robinson ráðstefnan á Íslandi